Politique

VOT Manohana an�i Neny Lalao Ravalomanana

Politique
Alarobia 15 Jolay 2015

Tsy mivaona amin�ny foto-kevitra efa nijoroana hatramin�ny taona 2009 ny Vondron�Olon-Tsotra tarihan-dRavaonirina Sarah Zo�. Mifototra amin�ny fanasoavana ny vahoaka sy ny tanindrazana hatrany ny antom-pisian�ity fikambanana tsimialonjafy misokatra ho an�ny olom-pirenena Malagasy tsy an-kanavaka ity.

Tsy nisalasala nandray andraikitra ny VOT nanabe ny olom-pirenena tao anatin’ny fotoana namaivay niseho teto amin’ny firenena tao anatin’ny enin-taona hatramin’ny nisian’ny fanonganam-panjakana. Tontosa antsakany sy andavany ny iraka fohy ezaka fanentanana ny olom-pirenena Malagasy hahay handinika ny zava-misy eto amin’ny firenena sy ho sahy haneho hevitra manoloana ny raharaham-pirenena. Tsy nankasitraka ny fifidianana filoham-pirenena tamin’ny taona 2013 ny VOT izay mahita fa mbola tandrametraka ihany koa ny fifidianana kaominaly saingy handray anjara mavitrika amin’ny alalan’ireo kandida miisa 30 manerana ny nosy miaraka amin’ny sary famantarana vaovao. Nanambara tamin’ny fomba ofisialy ny fanohanany ny kandida Tiako I Madagasikara eto Antananarivo renivohitra Neny Lalao Ravalomanana ihany koa ny Vondron’Olon-Tsotra.

Ramano F.