Politique

Voka-pifidianana - Ambatondrazaka Miahiahy ny SRMV ny ankamaroan�ireo kandida

Politique
Zoma 07 Aogositra 2015

Betsaka amin�ireo voka-pifidianana avy eny ifotony no niova rehefa namoaka vokatra vonjimaika ny CRMV Ambatondrazaka. Misy ny vokatra avy amin�ny birao fandatsaham-bato (BV) no tsy nampidirin�ny CID

ao amin’ny kajy izay ataony fa hoe misy tsy mety (anomalie) izay nampiova tanteraka ny voka-pifidianana ka saika nampitroatra ny ankamaroan’ireo kandida. Anisan’ireo voakasika izany ny tao amin’ny Kaominina Andilanatoby. Raha ny kandida natolotry ny antoko TIM no voalohany dia nanjary ilay antoko HVM fahatelo indray no lasa voalohany satria misy BV iray tsy nokirakiraina. Niakatra tao amin’ny CID Ambatondrazaka ny fikambanan’ireo kandida avy any Andilanatoby nitaky ny hamoahana ny vokatra ara-dalàna fa tsy misy fanafoanana BV sahady. Maro ireo kandida nametraka ahiahy amin’ny fomba fiasan’ny SRMV Ambatondrazaka. Marihina fa amin’ireo Kaominina miisa 22 mandrafitra ny Distrikan’Ambatondrazaka dia toerana 10 lasan’ny antoko HVM, 07 an’ny TIM, 01 MAPAR ary 04 ny tsy miankina raha ny vokatra vonjimaika avy amin’ny CID Ambatondrazaka.

Niry A.