Politique

Partagé sur :
• facebook

Olon-tsotra, mpandraharaha, mpiasan’ny minisitera, teratany malagasy, teratany vahiny, karazan’olona marobe dia samy efa nandrenesana fitarainana ho niharan-tsotasotan’ny vadin’ny filoham-pirenena, Voahangy Rajaonarimampianina avokoa.

Vazivazy toa zary tenany ihany moa ny hoe mety hisy mihitsy ny fikambanana hitsangana hivondronan’ireto olon-tsosotra niharan’ny tsy rariny nataon’ny vadin’ny filoha ireto ho atsy. Asa aloha izay ho anarany. Anisan’ny nandrenesana tsy rariny izay tena niteraka resabe nataon’ity renin’ny firenena ity, ohatra, ny fifaninanana hidirana ho polisy farany teo na ny resabe momba ireo kandida 300 isa. Teratany sinoa iray mpandraharaha ihany koa no velon-taraina fa mandoa vola amina miliara ariary isan-taona vao maha tafavoaka entana eto Madagasikara mba aondrana any ivelany; ary voatonontonona ao anatin’izany raharaha izany Rtoa Voahangy R. Manginy fotsiny ny fifanolanana nisy teo aminy sy ny mpanolotsain’ny filoha teo aloha, Claudine Razaimamonjy sy ny fodiany ny resaka manodidina ny fanendrena ny praiminisitra teo aloha Solonandrasana Mahafaly; ary ny fitsabahany amin’ny fanendrena ireo mpiasam-panjakana ambony. Ampahany amin’ny ho fahasahiranan’i Voahangy Rajaonarimampianina teraka Randriamanana ireo raha toa ka hitory azy avokoa indray andro any ireo olona milaza fa nanaovany tsindry bokotra sy fanaparam-pahefana amin’ny endriny maro samihafa.

J.Mirija  

Tia Tanindrazana

Samia mijoro ho an'i Gasikara.