Politique

Rakotomamonjy Jean Max Lasa nitsaitsaika, tonga mangingina

Politique
Talata 11 Aogositra 2015

Efa tonga vao fantatra fa lasa tany ivelany tany ny filohan�ny Antenimieram-pirenena Rakotomamonjy Jean Max. Tany Afrika Atsimo

namonjy fivorian’ny Parlemanta Panafrikanina, izay manana ny foibeny atsy Capetown izy sy ny Sekretera jeneraly vaovaon’ny Antenimieram-pirenena Befourouack William. Niala teto Madagasikara izy ireo tamin’ny alakamisy lasa iny, ary niverina ny alahady teo. Tsy nisy fampitam-baovao nilaza izany. Azo antoka anefa fa ofisialy no nivoahan’izy ireo, ary nisy fandaniana ara-bola zakain’ny kitapom-bolam-panjakana amin’izany. Rariny angamba raha mahafantatra ny vokatry ny dian’izy ireo tany, raha mbola fitantanana mangarahara ihany no misy eny Tsimbazaza eny.

Ra-Bri