Politique

Propangandy tany Sambava Tanora 3 namoy ny ainy, 4 maratra mafy omaly

Politique
Zoma 24 Jolay 2015

Andro maloka ho an�ny antoko Leader Fanilo any Sambava ny omaly alakamisy 23 jolay.

Namoy ny ainy tamin’ny lozam-pifamoivoizana ny telo amin’ireo mpanohana ny kandidan’ny antoko any Ambodiampana. Tanora maromaro izy ireo no nikiraviravy tamin’ny sisin’ny kamiao nentin’izy ireo nanao fampielezan-kevitra. Nifanena tampoka tamina kamiao tao anaty fiolahana anefa ary tsy afa-niala ka nofaohin’ny “retroviseur” izy ireo, ny lalana rahateo somary teritery. Maromaro no indray nidaraboka tamin’ny tany vokatr’izay ary nisy voahosin’ilay kamiao. Vokany, telo maty tsy tra-drano ka ny roa amin’ireo dia mpianatra tokony hiatrika fanadinana bakalorea sy BEPC amin’ny volana aogositra io. Misy olona efatra hafa koa naratra mafy tsaboina ao amin’ny hopitalin’i Sambava. Tamin’ny lalam-pirenena faha-5 miazo an’Andapa, teo anelanelan’i Belalono sy Ambinany Antsahabe no niseho ny loza omaly manodidina ny mitatao vovonana.

Jean D.