Politique

Partagé sur :
• facebook

Ny 17-18 aprily lasa teo no namory olona tany Fianarantsoa ny Komitin'ny Fahamarinana sy Fandriampahalemana ary Fiadanana (K3F), ary nisy ny zavatra nambara tamin’izany saingy tsy hita mandrak’androany ny tohiny sy ny vokany.

Olona 1024 no nanatrika izany tany an-toerana, nanapa-kevitra ireo fa tsy tokony hisy fifidianana hatao raha tsy vita ny lalàmpanorenana vaovao sy lalàmpifidianana vaovao, ka tokony hiditra amin’ny antsoina hoe fifampiresahana nasionaly, hoy I Pety Rakotoniaina, raha nanontaniana momba ny tohiny omaly. Mila hapetraka hoe: inona no lalàmpanorenana mendrika sy mifanaraka amin’ny filantsika? Ny lalàmpifidianana hifanarahann’ny rehetra sy ny hametrahana fitsipika hiarahana izay tsy nisy hatramin’izay ka hatramin’izao? Amin’izao fotoana izao ny K3F manomana ny tohin’izay hanaovana izay fifampiresahana izay, hoy izy. Ny fototry ny ady hevitra dia nahoana no miverimberina ny krizy, izay efa ho fanineniny isika izao (1971, 1972, 1991, 2002, 2009, 2018) Ny valiny dia hoe tsy nitondra vahaolana isaky ny misy ny krizy ny hoe handeha hanao fifidianana, fa vao mainka misy krizy vaovao mipoitra, hoy i Pety Rakotoniaina. Ny vahaolana, hoy izy, dia handao hiarahana mijery ny fototry ny olana mahatonga ny krizy miverimberina io. Izay izany ilay hanaovana fifampiresahana nasionaly sy fanorenana ifotony, raha ny nambaran’ity mpanao politika ity. 

Toky R

Tia Tanindrazana

Samia mijoro ho an'i Gasikara.