Politique

Partagé sur :
• facebook

Ny fiambenana ireo minisitera hiadidian’ireo minisitra HVM miisa 14 izay takiana alana amin’ny toerany indray izany izao no vaindohan-draharahan’ny fitondram-panjakana Malagasy.

Raha tombanana hasiana mpitandro ny filaminana miisa 10 avy fotsiny ireo minisitera ireo dia efa mahatratra 140 farafahakeliny ireo mpitandro ny filaminana hiantsoroka izay. Tsy hilatsaka an-tsitrapo na hanao vy very ny ainy anefa ireto « tandroka aron’ny vozona » fa tsy maintsy ombam-pitaovana mahery vaika sy famatsiana sahaza na ara-bola io na ara-tsakafo. Famatsiana izay alaina amin’ny volam-bahoaka ihany. Etsy an-daniny dia mirongatra ihany ny fanafihana amin’ireo lalam-pirenena, raha ny tatitra voarain’ny mpanao gazety avy amin’ny fiadidiana ny zandarimaria isan’andro. Lasibatr’izany avokoa na ny mponina an-tanàn-dehibe na ambanivohitra, indrindra, moa fa ireo tantsaha sy mpamboly izay tena ain’ny firenena. Ny fakana an-keriny moa tsy lazaina intsony. Dia tsy mba hisy hahatsapa tena ka handray fanapahan-kevitra am-pahendrena toy ny minisitry ny vola sy ny tetibola teo aloha, Gervais Rakotoarimanana, mihitsy ve na ny iray aza ireto mpitondra malagasy efa miharihary ho naloan’ny vahoaka ireto kanefa dia tao no nitondrana sora-baventy sy norakorahana tamin’ny namindra fahefana ? Ny minisitra vaovao sasany aza voatery namindra fahefana an-tsokosoko mamatonalina mihitsy.

J. Mirija

Tia Tanindrazana

Samia mijoro ho an'i Gasikara.