Politique

Partagé sur :
• facebook

Mitety ny Faritra SAVA, DIANA ary Sofia ny filoha teo aloha Marc Ravalomanana hatry ny omaly. Tao Antalaha, Sambava, Ambilobe izy sy ny delegasiona avy amin’ny birao politika nasionalin’ny Tiako I Madagasikara tarihiny manolotra ireo kandidan’ny antoko amin’ny fifidianana Ben’ny tanàna sy

mpanolotsaina sady manatevina ny fampielezan-kevitra. Tokony ho nitohy tao Antsiranana ny dian’izy ireo io omaly io saingy efa tratra hariva nefa tsy misy jiro ny toeram-piantsonan’ny fiaramanidina ao Arrachart ka niazo avy hatrany an’i Nosy-Be izy ireo. Hitohy ao an-toerana ny fampielezan-kevitra hataony avy hiazo an’Antsohihy. Ny tolakandro no hamonjy an’Antsiranana izy ireo. Desambra 2014, talohan’ny krismasy, no nialan’i Marc Ravalomanana tao an-drenivohitr’i DIANA niverina teo anivon’ny ankohonany teto an-dreivohitra rehefa nataon’ny fitondrana Rajaonarimampianina “résidence fixe” tany nanomboka tamin’ny 14 oktobra 2014, ny ampitson’ny niverenany an-tanindrazana. Vahoaka maro no efa tonga nitsena azy teny amin’ny seranam-piaramanidina Arrachart ny omaly, liana te hahita sy hifampiresaka mivantana aminy. Tanàna nahavitany asa fampandrosoana maro rahateo Antsiranana, ka mahatsiaro sy maniry ny hitohizan’izany ny olona. Tsy ho latsa-danja ny anio sady afaka mampiasa fanamafisam-peo taorian’ny fahanginginana omaly noho ny fanadianana CEPE nataon’ny kilonga madinika.

Jean D.

Tia Tanindrazana

Samia mijoro ho an'i Gasikara.