Politique

Marc Ravalomanana « Efa vonona izahay »

Politique
Alatsinainy 16 Jolay 2018

Anisan`ireo nahazo fanasana tamin`ny fankalazana ny fetim-pirenena frantsay ny filoham-pirenena teo aloha Marc Ravalomanana.

Ilaina ny fanohanana ny vondrona iraisam-pirenena ny fizotry ny fifidianana, hoy ity filoham-pirenena teo aloha ity ary mila manamafy ny hisian`ny fangaraharana amin`ny fifidianana rehetra. Naneho ny fahavononany hatrany hiara-kiasa sy hanohana an'i Madagasikara i Frantsa. Mahafinaritra ny finiavany. Isika Malagasy koa anefa tokony hiezaka sy hiasa tsara ho fampandrosoana ny firenentsika, hamoha ny hambom-po, mba tsy hiandrasana foana ny hafa. Nohamafisiny ihany koa fa nihaona tamin`ireo masoivoho ireo ny tenany ary vonona hanampy izy ireo fa isika no tompon’andraikitra voalohany. Mila manaja tsara ny lalàmpanorenana sy manaja tsara ny lalàna velona rehetra misy eto amin`ny tany sy ny fanjakana ireo mpisehatra, hoy ny filoha Marc Ravalomanana. Araka izany, efa mivonona amin`ny fiatrehana ny fifidianana ny antoko Tiako I Madagasikara sy ny mpitarika azy ka ny fanombohana izany dia ny fanomanana ny antontan-taratasy filatsahan-kofidiana.

Marigny A.