Politique

MAPAR Toamasina Tsy voaloa ny karaman�ireo mpanao karnavaly

Politique
Talata 28 Jolay 2015

Nisahotaka ny tao Ankirihiry misy ny foiben�ny MAPAR omaly noho ny tsy fahaloavan�ny karaman�ireo �tuc-tuc� sy �cyclo-pousse� nanaovana karnavaly nitsenana an�i Andry Rajoelina tamin�ny alahady,

tonga nanotrona ny fampielezan-kevitr’i Elisée Ratsiraka, kandida Ben’ny tanànan’ny MAPAR ao Toamasina. Adin’ny iray, amin’ny 01ora hatramin’ny 02ora, no nifanarahan’ny MAPAR tamin’izy ireo ka handoavana 8.000 Ariary isanisany. Tsy tonga tao Toamasina i Andry Rajoelina raha tsy ny alahady tamin’ny 06 ora hariva ka nitaky ny adiny 04 ambonin’ny nifaranarahana, izay mitentina 38.000 Ariary, ireo mpitondra “tuc-tuc” sy “cyclo-pousse” noho tsy fahafahana miasa. Hatramin’ny fotoana nanoratana ny vaovao mbola tsy voaloa io vola io.Asa moa na nentin’ny hafanam-po be loatra tamin’ny fandalovan’i Andry Rajoelina na efa lonilony tsy afaka ao am-pony noho ny fifidianana naharesy ny zokiny tamin’ny taona 2002, fa nanampatrampatra tamin’ny fihantsiana tsy fitiavana olona sy resa-poko i Elisée Ratsiraka nandritra ny hetsika tao amin’ny kianjan’ny lycée teknika Toamasina ny alahady teo io. Tsy tahotra tsy henatra ity kandidan’ny MAPAR ity nilaza imasom-bahoaka fa «mila fongorina hatramin’ny taranany izany Ravalomanana izany”.

Rakoutou