Politique

Kianjan’ny 13 mey Ho raikitra indray ny tolona

Politique
Alakamisy 12 Jolay 2018

Nanao fanambarana tetsy amin’ny Telozoro Andrefanambohijanahary omaly ry zareo avy eo anivon’ny GRAC na ny « Grand rassemblement des associations pour le changement » izay ivondronan’ireo fikambanana isan-karazany miaiky fa mila tohizana ny fitakiana fanovana eto amin’ny firenena.

Nisy ny ra latsaka ny 21 aprily teo ary mbola betsaka ny vokatra tsy azo, hoy izy ireo. Mbola tsy mandry fahalemana ny any ambanivohitra, tsy voavaly ireo fitakiana sendikaly, tsy niala amin’ny toerany ny filoham-pirenena sy ny fitondrany. Ao anaty fotoam-pahavaratra ihany koa no ikasana hanatontosana ny fifidianana. Mbola mila fiovana izany, hoy hatrany izy ireo ka manao antso avo amin’ny rehetra mbola hanohy ny tolona. Tolona am-pilaminana no hatao, raha ny fanamarihana, ary holazaina amin’ny fotoana mahamety azy ny toerana hanaovana azy.

J. Mirija