Politique

Fifidianana mihemotra Mivaona amin’ny lalàmpanorenana, hoy i Faneva Raholdina

Politique
Sabotsy 14 Jolay 2018

Fotoana ela no tsy naha teto an-tanindrazana ny mpandalina politika, Faneva Raholdina, saingy nanaraka hatrany ny toe-draharaha teto Madagasikara izy raha ny fanazavana nentiny.

Mivoana amin’ny lalàmpanorenana isika, hoy ny tenany, raha mihemotra ka mihoatra ny 5 taona izay fotoam-piasan’ny filoham-pirenena ankehitriny ny fifidianana. Aleo izay tokony halamina ho vita mialoha ny fiafaran’ny 5 taona. Anisany ny fanitsiana ny lalàm-pifidianana. Toy izany koa ny resaka fampianarana, raha tsy vita, hoy hatrany izy, ny mampiakatra ny karaman’ireo mpampianatra dia tokony hitady fomba hafa ny fanjakana handresen-dahatra azy ireo hiverina hampianatra. Zavatra miabo teo amin’ny tontolo politika nitranga tamin’ity taona ity kosa anefa, hoy izy, dia ny tsy faharesen-dahatry ny tsirairay amin’ny fidirana amin’ny tetezamita vaovao intsony na dia tsy nisy fiantraikany mivantana any amin’ny fiainam-bahoaka toy ny fampandrosoana tamin’ny andron-dRavalomanana aza ny tato anatin’izao fitondrana izao.

J. Mirija