Politique

Fanirisoa Ernaivo Kandida filoha ihany koa ?

Politique
Alakamisy 19 Jolay 2018

Mangataka an-dRtoa Fanirisoa Ernaivo hirotsaka hofidiana ho filoham-pirenena amin’ny fifidianana ho avy izao ny Antoko ZAnak’i MAdagasikara (ZAMA),

mpikambana ao amin’ny Ivo Iraisam-pirenena miahy ny tontolo iainana sy mitsinjo ny fivoarana sahaza ho amin’ny fampandrosoana an'i Madagasikara. Ho azy ireo mantsy dia Rtoa Fanirisoa Ernaivo no mahafeno ny fepetra rehetra ilaina sady sahy mametraka sy mitaky ny fitantanana madio sy mangarahara hitondra fanatsarana eto amin’ny firenentsika raha ampiana sy tohanana. Manainga ny hafa izay miombon-kevitra aminy ny antoko ZAMA mba hifanome tanana aminy ho fiarovana ny tombontsoan’ny maro an’isa. Nomarihin’Atoa Rija Rakotozanajaky, filoha nasionalin’ny antoko ZAMA ity moa fa nandritra ny 58 taona dia tsy nitsahatra ny nitotongana sy mikorosofahana ny fari-piainan'ny Malagasy noho ny fanaovan’ireo mpitondra na ny akaiky azy ampihimamba ny harem-pirenentsika izay miharitra tanteraka. Tsy misy mandroso vahaolana misy fiatraikany amin’ny fiainam-bahoaka maro an'isa mihitsy anefa ny tsirairay, hoy hatrany izy fa dia toa fanesoana ny vahoaka Malagasy no misy satria fampiderana fa manana ny amby ampy avokoa izy ireo manoloana ny vahoaka maro izay mitrongy vao homana. Mila olom-baovao tanteraka ny firenentsika ho an’ny antoko ZAMA ihany.

Pati