Politique

Etazonia, Japon, Norvezy Hiditra an-tsehatra hanara-maso ny fifidianana

Politique
Alakamisy 30 Jolay 2015

Marobe ireo resaka mandeha mikasika ny fifidianana kaominaly hotanterahana eto Madagasikara rahampitso faran�ny volana jolay.

Niteraka adihevitra rahateo ny fikarakarana sy ny fanomanana nosahanin’ny Vaomieram-pirenena mahaleotena misahana ny fifidianana mandritra ny tetezamita toy ny fanavaozana ny lisi-pifidianana, ny olana momba ny kara-pifidianana na koa ireo fitaovana ampiasaina mandritra ny fandatsaham-bato. Teo ihany koa ny tsy fifehezan’ny Cenit ny fanavahana ny fampahafantarana ireo kandida mialoha ny fotoana sy ny fe-potoana ara-dalàna voafaritra hanatanterahana ny fampielezan-kevitra. Misongadina amin’izao ankatoky ny datin’ny 31 jolay 2015 izao ihany koa ohatra ny tsy fitovian-kevitra eo amin’ny Cenit sy ny ministeran’ny Atitany sy ny sehatra tsy miankina nahazo alalana hanara-maso mialoha, mandritra ary aorian’ny fifidianana toy ny Kmf/Cnoe. Milamina, hoy ny andaniny. Ahitana lesoka kosa, hoy ny ankilany. Fantatra fa miisa 17 ireo mpanara-maso ity fifidianana ben’ny tanàna sy mpanolontsaina ity. Hiditra an-tsehatra hanara-maso azy io moa ny masoivoho vahiny toy ny Amerikanina, Japoney na koa ry zareo norvezianina.

Ramano F.