Politique

Distim Antananarivo I Nandresy tamin�ny fandresen-dahatra ny TIM

Politique
Talata 04 Aogositra 2015

Arahabaina ny vahoaka Malagasy nahavita dingana vaovao amin�ny fiatrehana ny ho avin�ny fiainam-pirenena.

“Faly manokana ihany koa izahay miarahaba sahady an’i Neny Lalao Ravalomanana”, hoy Rakotomamonjy Phillipe. Ekena fa mbola voka-pifidianana vonjy maikan’ny fifidianana kaominaly notanterahana ny zoma 31 jolay 2015 no nivoaka ankehitriny saingy matoky ny amin’ny fandresen’ny antoko Tiako I Madagasikara eto Antananarivo Renivohitra ny Distim Antananarivo voalohany, araka ny fanampim-panazavany. Afaka mirehareha ny filoha nasionaly sy ny ben’ny tanàna vaovao fa manana ny maro an’isa ao an-damosiny tena resy lahatra tsy azo rebirebena amin’ny foto-kevitra nijoroany hatramin’ny taona 2009 nisian’ny fanonganam-panjakana. Tonga tokoa ary izao ny fotoana hanarenana ny fiarahamonina hijerena ireo tena tia tanindrazana tsy nivadi-belirano nitolona amin’ny fiverenan’ny tany tan-dalàna vonona hitondra ny anjara birikiny mba ho tombontsoan’ny besinimaro sy ny tanàna, hoy ity mpikambana Distim Antananarivo voalohany ity.

Ramano F.