Politique

Antoko Malagasy sahy sy vonona Ny fifidianana ihany no vahaolana

Politique
Zoma 13 Jolay 2018

Ny firosoana amin’ny fifidianana ihany, hoy Rafanomezantsoa Jean Nirina, filohan’ny antoko Malagasy Sahy sy Vonona no hany vahaolana eto amin’ny firenena.

Tonga naka ny bulletin laharana fahatelo teny amin’ny tribonaly ity filohan’ny antoko MSV ity ny alarobia teo amin’ny maha kandida filoham-pirenena azy ka nambarany fa olom-pirenena afaka mandray andraikitra tsara ny tenany sady manara-dalàna. Mbola naveriny ihany ary fa ny rafitra fokonolona no tsara hapetraka eto amintsika mba hahafahana mamaha ireo karazan’olana maro samihafa. Anisany ny ady tany….Tsy izahay irery no manana io fomba fijery io fa betsaka ireo efa niresaka izany hatramin’ny 21 Aprily no ho mankaty. Kandida miisa 13 hatreto no efa nifanatona tamin-dRafanomezantsoa Jean Nirina saingy nambarany fa raha toa ka hisy ny marimaritra iraisana dia tsy maintsy hatao an-tsoratra mba tsy hamitahana vahoaka intsony. Raha toa kosa ka tsy maintsy ny tenany no hilatsaka satria tsy hisy hahafehy ny dina sosialin’izy ireo dia efa vonona tanteraka ny izy ary tsy manana olana amin’ilay 50 tapitrisa Ar fandraisana anjara satria manana mpanohana betsaka. Nambarany fa ny foto-kevitra ny azy no hampiadiany fa tsy hividy olona amin’ny fizarana tee-shirt na kaskety izy ireo.

Pati