Politique

ANTOKO MAITSO Mankasitraka ny governemanta mijoro saingy ...

Politique
Zoma 22 Jona 2018

Naneho ny heviny mikasika ny fijoroan’ny governemanta vaovao ny filohan’ny antoko Maitso Atoa Georget Alexandre, omaly.

Nambarany fa hankasitrahan’izy ireo tanteraka ny governemanta Ntsay Christian saingy misy ihany ny indro kely. Nomarihany ny fandraisan’Atoa Rina Andriamandavy VII ny minisiteran’ny serasera, olona izay efa nitora-bato ny birao mahaleotena iadiana amin’ny kolikoly nandritra ilay raharaha Claudine Razaimamonjy nalaza be teto amintsika farany iny. Toraka izany koa ny mbola nahatafiditra an’Atoa Maharante Jean de Dieu ao anatin’ny governemantan’ny firaisam-pirenena nefa efa nolavin’ny mpiasan’ny minisiteran’ny asa sy ny lalàna sosialy sy ny minisiteran’ny paositra izay misy azy ankehitriny. Anisan’ny tsy mampilamina ny firenena ankehitriny ny fisian’ireo olona efa nolavin’ny vahoaka nefa mbola napetraka hitantana ihany. Raha izaho izy ireo mametra-pialana avy hatrany aho, hoy izy. Nomarihiny fa ny hahafahana miroso mankany amin’ny fifidianana avy hatrany no antony handeferan’ny antoko politika maro amin’io governemanta vaovao io. Mahatoky ny tenany fa hivoaka tsy ho ela ny datim-pifidianana andrasan’ny maro.

Pati