Politique

Antoko Fanorolahy Tafavoaka ny firenena rehefa manankarena ny tantsaha

Politique
Zoma 27 Jolay 2018

Efa ela no vita ny fanorenana ifotony ho an’ny antoko Fanorolahy, niorina efa an-taonany maro teto amintsika.

Nandritra izay fotoana nanginan’izy ireo taona maro izay mantsy dia nidina ifotony nijery ireo maharary ny tantsaha manerana ny Nosy ny filoha nasionaliny Randrianary José ka anisan’ireny ny tany amin’ny Faritra Analanjirofo, Antanandrano Andringaringa Toamasina II izay tena mampidangana ny vidin’ny legioma tokoa. Vidina 500 Ar ny voatabia iray any amin’ireo toerana voalaza ireo antony nahatonga ny antoko nampivondrona ireo tantsaha tao anatin’ilay koperativan’ny tantsaha Fanorolahy sady nampianatra azy ireo. Nangataka fanampiana tamin’ny orinasa Guanomad ry zareo taorian’izay hijeren’ny teknisiana ny tanin’izy ireo niampy fanolorana zezika maimaimpoana. Nangataka tolo-tanana tamin’ny kaonsilin’i Portugal Atoa Rabesahala Frederic miasa sy monina eto amintsika indray ny antoko taorian’izay nahafahana namatsy masomboly ireo tantsaha mpamokatra an’aliny maro. Anisan’izany ny masomboly voatabia, ny ovy, ny katsaka. Nanatanteraka santa-bokatra avokoa ny ankamaroan’izy ireo ny 18 jolay lasa teo ka samy tonga saina fa rehefa ny tantsaha no manankarena dia tafavoaka ny firenena. Miitatra eny Ambohidratrimo, Faritra Analamanga ity tetikasa tanterahin’ny antoko ity ankehitriny. Ho an’ity distrika iray ity indray dia ireo olona tena sahirana ara-pivelomana mihitsy no mahazo tombony. Nangatahin’ny antoko tamin’ny tompony ireo taniny mipetra-potsiny mba hanaovana voly avotra ka ny tombony ho azy ireo dia ny fiakaran’ny vokany hatrany amin’ny dimy avo heny aorian’ny voly avotra hataon’ireo fianakaviana sahirana ara-pivelomana eny an-toerana. Nanambara moa ny filoha nasionalin’ny antoko Fanorolahy fa tsy mbola manana kandida izy ireo hatreto fa miandry ny fanapahan-kevitr’ireo tantsaha mpamokatra 80 % manerana ny Nosy.

Pati