Politique

Zokiolona mitaky ny fodian-dRavalomanana Nanatitra taratasy teny amin�ny Masoivoho Amerikanina

Politique
Alakamisy 07 Aogositra 2014

Ao anatin�ny fivahinianan�ny filoham-pirenena Malagasy sy ireo mpanara-dia azy any Etazonia izao dia nohararaotin�ireo zokiolona mpitolona tsy tapaka etsy amin�ny Magro Behoririka ary anisan�ireo mivoy mafy ny fiverenan�ny filoha te aloha, Marc Ravalomanana

an-tanindrazana, ny alatsinainy teo, ny nanatitra taratasy mirakitra ny fitakian’izy ireo hampiharana an-tsakany sy an-davany ny voalazan’ny tondrozotra amin’ny fampodiana tsy misy fepetra ireo sesitany politika, ao anatiny i Marc Ravalomanana, ny famoahana ireo gadra politika mbola any am-ponja sy fanokafana ireo haino aman-jery nakaton’ny fitondrana tetezamita rehetra. Nandray ny solontenan’izy ireo an-kitsim-po ny mpiandraiki-draharaha amerikanina monina sy miasa eto amintsika ary nandray ny taratasy ka nilaza ny hampita izany avy hatrany tsy misy hatak’andro any Etazonia hoentin’ny rehetra ao anatin’ny dinika Etazonia/Afrika mandeha ankehitriny. Mbola milaza ny hanatitra taratasy hafa eny amin’ny Masoivohon’ny Vondrona Eoropeanina Andraharo koa ry zareo ato ho ato ary ao amin’ny Ambasadin’i Afrika Atsimo aorian’izay.