Politique

Vovonana GRRM Miantso fifanarahana politika

Politique
Alarobia 30 Mey 2018

Nanao fanambarana tetsy amin’ny Maestro Betongolo koa ry zareo avy eo anivon’ny « Grand rassemblement pour la réfondation de Madagascar » omaly talata 29 mey izay ahitana fikambanana politika,

sendika ary fiarahamonim-pirenena maromaro fa miantoka fahombiazana lehibe ho an’ny firenena ny fanaovana fifanarahana politika andraisan’ny ankolafin-kery misy eto amin’ny firenena manoloana izao toe-draharaha ankehitriny izao. Zava-dehibe ho an’ny firenena, hoy izy ireo, ny fanorenana ifotony amin’ny lafiny rehetra ka noho izany dia miteraka krizy vaovao ny fifidianana an-kamehana. Miantso ny FFKM, ny CFM ary ny foloalindahy, araka izany ity vovonana ity mba hampivory ao anatin’ny fotoana fohy ny hery politika rehetra misy eto amin’ny firenena.

J. Mirija