Politique

Partagé sur :
• facebook

Tsy mbola antenaina hahavonjy poritra ny fanampiana ara-bola avy amin’ny vondrona eoropeniana. Novakian’i Dada am-batolampy ny tena hevitr’izy ireo momba ny tsy fahatokisana ny mpitondra Malagasy ny sabotsy lasa teo nandritra ny fihaonamben’ny mpikambana ao amin’ny antoko Tiako i Madagasikara ho an’ny faritra avaradrano izay natao teny Anosiavaratra Faravohitra.

Tsy mahatoky

Tsy mahatoky ny fomba fiasan’ny mpitondra fanjakana malagasy ny mpamatsy vola avy ao amin’ny  vondrona eoropeanina, hoy i Marc Ravalomanana. Izany no tsy amoahan’izy ireo vola fanampiana an’i Madagasikara mihitsy  hatramin’izao. Naneho tamin’ireo mpamatsy vola ny fahorian’ny antsasaky ny vahoaka izay efa tsy manan-ko hanina  intsony  aho nandritra ny fiarahanay nisakafo tamin’ny tompon’andraikitry ny  vondrona  eoropeanina. Ny valin-teny  azoko dia fanontanina indray hoe vonona  ve aho ny hiantoka fa ho tonga any amin’ny  vahoaka tena mila  azy ny fanampiana homen’izy ireo ? Nangina moa aho, hoy i Marc Ravalomanana satria sarotra amiko ny hiditra antoka amin’izany satria tsy izaho no  mitondra ny firenena ankehitriny.

Resabe

Resabe sisa no  ataon’ny  mpitondra ankehitriny ny amin’ny hisian’ny  fanampiana fa tsy misy fitokisana ny  fanjakana HVM intsony ny vondrona  eoropeanina. Tsy ny mpanao politika  manana ny toerany  sy ny hoaviny toa an-dRavalomanana ihany koa anefa no  handainga amin’ny toe-javatra toy izany  fa dia trafon-kena  nome-mahery  izany  ka  am-bava homana ary am-po mieritreritra. Hiady irery manomboka  eto ny filoham-pirenena  Hery Rajaonarimampianina  fa tsy hisy hiantoka ny  tsy  fahombiazan’ity  fitondrana ity mihitsy ny mpanao politika  ananan’ny mpamatsy  fitokisana toa an’i Marc Ravalomanana.

Fa nandritra ny fihaonamben’ny faritra avaradrano dia nampianarina ireo mpikambana teny  an-toerana ny nantsoina hoe «  leadership » eo amin’ny fitantanan-draharaha sy firenena. Manana ny heriny tokoa ny antoko Tim  eny amin’ny faritra avaradrano  ka nanao antso avo ihany koa ny filohan’ny antoko  fa mivoha  midanadana    amin’ireo mpikambana  nivily lalana  ny antoko ho an’izay hiverina indray.

Andry Ratovo

Tia Tanindrazana

Samia mijoro ho an'i Gasikara.