Politique

Vondrona Ambodivona Mitaky ny hanafoanana ny didim-panjakana 2015-630

Politique
Alatsinainy 11 Mey 2015

Manoloana ny fanapahan-kevitra noraisin�ny minisiteran�ny Atitany amin�ny tsy fametrahana ny sary sy ny anaran�ny kandida ao amin�ny bileta tokana, dia nanao fanambarana ny sabotsy tolakandro teo, tany Toliara, ny Vondrona Ambodivona nahitana ny Hiaraka Isika, MAPAR,

MMM, Antoko Maitso, AVANA, ary ireo kandidà amin’ny fifidianana Kaominaly miara-dia aminy any amin’ny Faritra Atsimo Andrefana, milaza fa : « Ho fiarovana ny demokrasia Malagasy vao mitsimoka eto amin’ny tanindrazantsika, satria mitady hiverin-dalana ny fanjakana jadona noho ny fikasan-dratsin’ny mpanao politika sasany hanao fifidianana anjambany ( anonyme ) amin’ny tsy fametrahana ny famantarana an’ireo kandida dia takianay ny fanafoanana tsy misy hatak’andro ilay didim-panjakana 2015-630, nivoaka ny 7 aprily 2015, mba hisian’ny fifidianana mangarahara sy eken’ny rehetra. »

Ravao ny CENI-T

Takian’ny Vondrona Ambodivona ihany koa ny fanovana ny CENI-T amin’ny endriny ankehitriny, satria tsy ahitana taratra ny fifandanjan-kery politika misy ao amin’ny Antenimieram-pirenena. Arovan’ny Vondrona politika mafy sahala amin’ny anakandriamaso ny Antenimieram-pirenena ankehitriny izay maneho ny safidim-bahoaka nialana tamin’ny krizy ho antoky ny fahamarinan-toeran’ny fanjakana sy ny fampandrosoam-pirenena.

Eric R.