Politique

Voka-pifidianana Hivaly ao anatin’ny 12 andro

Politique
Zoma 02 Novambra 2018

Notanterahina ny alarobia teo ny varavarana misokatra momba ity rindrambaiko ity tetsy CENI Nanisana izay nantsoina ireo fiarahamonim-pirenena, solontenan’ny kandidà ary ireo mpanara-maso fifidianana isan-tsokajiny.

Nampahafantarina ho an’ny besinimaro ny rindrambaiko hanamorana ny famoahana ny voka-pifidianana ofisialy. Ny eo anivon’ny SRMV na « Service de recensement de materiel de vote » no hikirakira ity logiciel voalohany ity. Mba hisian’ny fifidianana madio sy mangarahara, mba hahatomombana ny voka-pifidianana, indrindra ny hanamorana izany no antony ampiasana ny rindrambaiko atao hoe « Traitement de resultat version 2.5 » ity. Mizara roa mazava tsara ny asan’ity « logiciel » ity aorian’ny fanisam-bato syfanisana ny voka-pifidianana. Eny anivon’ny fokontany sy ny distrika no tena ilana azy. 12 andro ao aorian’ny fifidianana no hamohana ny voka-pifidianana vonjimaika ka aorian’izay no hatolotra eo anivon’ny Fitsarana avo momba ny lalàmpanorenena (HCC) ny voka-pifidianana. Izany hoe, dimy andro ao aorian’ny fikirakiran’ny SRMV ny voka-pifidianana dia sivy andro aorian’izay no miampita mankany amin’ny HCC. Araka izany, ny kiana sy fanamarihanana dia ny CENI no mandray izany avokoa.

Marigny A.