Politique

Vehivavy TIM Ambohimanarina Nampihatra ny fahombiazan�ny fiaraha-miasa

Politique
Talata 10 Martsa 2015

Nampihatra ara-bakiteny ilay teny filamatra hoe �Miasa miaraka no fahombiazana� ny vehivavy Tiako I Madagasikara ao amin�ny boriborintany faha-VI notarihan�ny solombavambahoakan�i Madagasikara voafidy ao

Ambohimanarina Rasoanoromalala Horace ho fanamarihan’izy ireo ny andro iraisam-pirenena natokana ho an’ny vehivavy manerantany ny alahady 8 martsa 2015 teo. Samy nanao izay tratry ny heriny izy ireo ka tao ireo nividy hazo «bois rond» sy hazo fisaka handrafetana tetezana kely hanampiana ireo toeram-ponenana dibo-drano ao amin’ny fokontanin’Amorona. Tao koa ireo nameno kitapo tamin’ny tany na fasika hanakanana ny ranon-tatatra tsy hihoatra ny fonenan’ireo mponina ao Antsahavao Anosivavaka. Tsy tongatonga ho azy ity fanomezan-tanana avy amin’ny vehivavy TIM Ambohimanarina ity fa nisy ny fijerena ifotony ny zava-misy. Niezaka nanontany ireo filana tadiavin’ireo traboina mantsy ny ekipan-dramatoa depiote nialoha ny fandraisana izao fanapahan-kevitra izao. Hanohy hatrany io fiaraha-miasa io ny vehivavy TIM boriboritany faha-VI ho tombontsoan’ny ankohonana, ny fiarahamonina ary ny firenena, hoy ny fanampim-panazavan’izy ireo.

Nangonin-dRamano F.