Politique

VAVAKY NY MPANONGAM-PANJAKANA

Politique
Talata 12 Aogositra 2014

Andriamanitra o ! tsy miafina aminao ny fahavoazana, Raha ingahy Ravalomanana no ho tody an-tanindrazana, Fa ho very fihinanana izahay ` zay notendrena Mba hitarika ny dinika fampihavanam-pirenena.

Koa raha` sitrakao ry Ray , ataovy izay tsy hiverenany.

Aoka ho any andafy ihany no ho toerana fonenany.

Fa ho loza no hanjo anay mpanongam-panjakana,

Raha hipongatra ny marina nahazoanay fahefana.

Andriamanitra o ! miangavy , mitalaho an-tanan-droa ,

Satria tsy tantinay mihitsy ny ho very tombontsoa.

Koa atoroy anay anio ny tetika mba hanakanana

Tsy hanatrehany ny dinika hikendrena fampihavanana.

`Zay no vavakay mangina ka ekeo ry Ray mahery ,

Fa tsy sitrakay raha toa ka ny kapoakanay ho very.

Manantena Anao ` zahay , ry Tompo feno fahendrena:

Fa Ravalo tsy miverina , ` zay ny anay no famonjena.

SEDERA RAVALISON (10 – 8 – 14)