Politique

Tsy fanajana ny satan’ny kandida Tsy misy sazy , hoy ny CFM

Politique
Talata 25 Septambra 2018

Natao hameno ny lalàna fotsiny ihany, hoy ny filohan’ny komitin’ny fampihavanana Malagasy, Maka Alphonse,

ilay sata ho an’ny fifampitondran-tenan’ireo kandida ho filoham-pirenena miisa 36 mianadahy. Efa natonina nakana hevitra mikasika izany moa ireto kandida ireto, raha ny nambarany, ary tsy nahitana olana. Tsy misy famaizana ho an’izay tsy manaja azy ity anefa fa resaka moraly sy etika ilay izy. Raha olom-panjakana marina dia tokony hanaja izany. Ohatra amin’ny fifanekena ao anatin’izay sata izay, ohatra, ny hoe tsy hanao teny mandratra na fiantsiana amin’ny fampihelezan-kevitra ary hanaiky valim-pifidianana. Mba hanatona manampahefana ihany koa fa tsy hidina an-dalambe rehefa tsy afa-po. Ampahafantarina koa ny loharanom-bola.

J. Mirija