Politique

Tolo-tanana ho an�ny traboina Tsy nitazam-potsiny ireo depiote

Politique
Talata 03 Martsa 2015

Amin�ny andro mahaory no ahafantarana ny tena namana. Manamarina io oha-pitenenana io ireo solombavambahoakan�i Madagasikara eny Tsimbazaza. Mba ho fanomezan-tanana ireo mpiray tanindrazana traboina noho ny fiakaran�ny rano dia hanao hetsika etsy amin�ny lapan�ny antenimieram-panjakana eny

Tsimbazaza ireto olom-boafidy Malagasy ireo hamory izay voatsirambin’ny tanana hanampiana ireo vahoaka sahirana. Izao fihetsika asehon’ny solombavambahoaka izao dia tsy afenina fa nahamiramiran’endrika ireo vahoaka traboina. Amin’ny andavanandro mantsy dia vaovao mahakasika ny fiadiana tombontsoa manokana toy ny fitakiana fiara tsy mataho-dalana 4x4 sy tambin-karama samihafa no re matetika eny anivon’ity andrim-panjakana ity ho sandan’ny fanatontosan’izy ireo ny asany. Amin’izao vanim-potoana sarotra lalovan’ny firenena izao dia tokony hampihatra ny politikan’ny fitsitsiana ny fitondram-panjakana araka ny nambaran’ireo mpanara-baovao. Anisan’ny asian’izy ireo teny amin’izany ny vola lany namatsiana ireny fivoriana tsy ara-potoana nandinihana ny sata manokan’Antananarivo izay notsipahin’ny fitsarana avo momba ny lalàmpanorenana am-bavafo ireny kanefa mbola mitady hikiry ihany ny minisiteran’ny atitany tamin’ny herinandro lasa teo.

Andry Ratovo