Politique

TIM Atsinanana Vonona tanteraka amin�ny fifidianana kaominaly

Politique
Talata 14 Aprily 2015

Efa nahavita ny dingana rehetra amin�ny hiatrehana ny fifidianana kaominaly tahaka ireo faritra rehetra manerana ny nosy ny antoko Tiako I Madagasikara faritra Atsinanana, hoy ny mpitantana rezionaly ma�tre Rasamimaka Mahefalahy.

Nifantoka tamin’ny fisafidianana niainga teny ifotony niaraka tamin’ny fanadihadiana lalim-paka ny fanolorana ireo kandida hitondra ny fanevan’ny antoko naorin’ny filoha teo aloha Ravalomanana Marc, araka ny resaka fohy nifanaovana tamin’ity tompon’andraikitra mpitantana ny TIM faritra Atsinanana ity. Efa eo am-pelatanan’ny birao politika avokoa ny anaran’ireo olona voatsonga hifaninana ho ben’ny tanàna miaraka amin’ny mpanolotsaina kaominaly amin’ny 31 jolay 2015, raha ny fanampim-panazavana nomeny. Ny mifanohitra tanteraka amin’izay kosa no mitranga ho an’ireo antoko politika sokajiana ho vaventy sy heverina ho matanjaka. Sahirana amin’ny fitadiavana olona maharesy lahatra mantsy, ohatra, ny antokon’ny mpitondra raha tsy mbola mahita marimaritra iraisana kosa ilay vovonana mpiaradia nandritra ny tetezamita, raha ny angom-baovao natao.

Ramano F.