Politique

Thierry Rakotonarivo "Izay nifidy ihany no afaka mitory raha ilaina"

Politique
Talata 06 Novambra 2018

Antomotra ny fotoana hahafahan'ny olo-pirenena manefa ny adidiny eo amin'ny firenena. Nanamafy ny filoha lefitry ny CENI Madagascar, Thierry Rakotonarivo fa zava-dehibe ny nahavitana safidy ary porofo ny fanaovana sonia eo amin'ny kara-pifidianana.

Io dingana iray io no tena ilaina, raha misy ny fitoriana hatao aorian'ny fifidianana, satria izay nahavita adidy ihany no afaka mitory. Ireo tsy nahavita dia tsy mahazo mametraka fitoriana na ny fizotrany na ny vokany. Nomarihany fa lavina avy hatrany ny fitoriana raha tsy nandatsa-bato ny olona iray, na misoratra ao aza satria ny dika mitovy misy sonia no ilain'ny Fitsarana. Midika izany fa ny olom-pirenena nanefa ny adidiny ihany no manana zo hitory amin'ny lafiny rehetra, hoy ny fanazavana.

Marigny A.