Politique

Tence Mena “Avy amin-janahary ianao Dada Ravalomanana a !”

Politique
Alatsinainy 17 Desambra 2018

Ny marainan’ny faradoboka ny sabotsy 15 desambra lasa teo no namoronan’ny mpanakanto Tence Mena Tononkalo ho an’ny kandida laharana faha-25 Marc Ravalomanana.

Novetsoiny teo Mahamasina io tononkalo io ary tena nampihetsi-po ny rehetra. Mialoha ny hihirako, dia aleo aloha aho mba hizara aminareo ny zavatra avy aty am-poko, hoy izy. Raha fintinina dia milaza io tononkalo io fa i Dada ilay nandrasana, izy no hanamboatra, hanangana sy hanavotra ny Malagasy. Na fanamboaran-dalana na famoronan’asa na fiahiana ny fianaran’ny ankizy na fanampiana ny vehivavy, vitan’i Dada izany, hoy i Tence Mena. Tsy tongatonga foana ianao Dada Ravalomanana fa tena avy amin-janahary, hoy izy. Nanentana ny Malagasy mpiray tanindrazana ity mpanakanto ity mba tsy hisalasala intsony hifidy ny kandida laharana faha-25 Marc Ravalomanana, izy no hanasoa ny rehetra, izy no efa tompon-tanàna.

Nangonin’i RTT