Politique

Tavandra Albert Kandida mandala ny fampandrosoana haingana sy mahomby

Politique
Talata 26 Mey 2015

Miandrandra sy manantena fampandrosoana ny mponina ao an-drenivohitr�i DIANA hamerenana ny hasin�ny Kaominina, hoy ny kandida Ben�ny tan�na Tiako I Madagasikara Tavandra Albert.

Paikady voalohany hiatrehana izany ny fanatonana ny vahoaka ifotony miaraka amin’ny fitiliana ny filan’izy ireo. Betsaka ireo asa tsy tontosa ao Antsiranana I ahatongavana amin’io tanjona io. Laharam-pahamehana ny fotodrafitrasa toy ny fanamboarana ireo lalana ratsy miaraka amin’ny ny fanorenana tsena, trano fidiovana sy fanasan-damba manakaiky ny mponina. Ezaka tsy maintsy jerena ihany koa ny mahakasika fiainan’ny fiarahamonina amin’ny ankapobeny, toy ny fanadiovana ny tanàna maloto, ny sehatry ny fanabeazana ary ny fampitaovana jiron’ireo fokontany mbola miaina ao anaty haizina. Fanamby hapetraky ny kandida TIM Tavandra Albert moa ny hiasa haingana sy mahomby ho fampandrosoana ny tanànan’Antsiranana I.

Ramano F.