Politique

Tanora TIM boriborintany faha-VI Hisokatra ny 3 septambra ny “cours gratuit"

Politique
Alakamisy 23 Aogositra 2018

Mitondra anjara ny anjara birikiny amin’ny fanasoavana ny mpiara-belona ny Tanora Tiako i Madagasikara. Maro ny hetsika efa nataon’ny tanora TIM eny amin’ny boriborintany faha-6,

izay tarihan’ny filohany Lalaina Rabezanahary mpikambana zandriny indrindra ao amin’ny filankevitry ny tanànan’Antananarivo Renivohitra. Efa nisy ny fanentanana natao nanampiana ireo vahoaka teny amin’ny boriborintany faha-6 tamin’ny fanampiana ny vahoaka amin’ny fijerena ny lisi-pifidianana, ny fandraisana anjara amin’ny fanadiovana ny tanàna … Fa amin’izao ankatoky ny fanadinam-panjakana bakalorea izao dia manao hetsika hanalana fahasahiranana ny mpianatra indray ny tanora TIM ao amin’ity boriborintany ity. Ny 3 septambra izao no hanomboka ny fampianarana maimaimpoana « cours gratuit » ho an’ireo tanora hiatrika fanadinana “Baccalauréat” ka ao amin’ny Lycée Privée Les Rossignols Ambohimanarina no hanatanterahana izany, izay hanentanana ireo tanora liana. Nanazava i Lalaina Rabezanahary anisan’ny mpitarika Jeune TIM Analamanga fa tsy vao izao izahay no mikarakara hetsika toy izao fa efa isan-taona. Nilaza ihany koa ity farany fa hisy ny « cours » maimaimpoana ho an’ireo hanala fanadinana CEPE sy BEPC amin’ny taona ho avy io. Tsara ny mifanasoa fa tsy mifamotika e !