Politique

Tanora « Grand sud » Niandrandra kandida tokana

Politique
Alatsinainy 03 Septambra 2018

Fifidianana filoham-pirenena sy ny hamaroan’ny kandida, 36 be izao. Samy miresaka sy manana ny fahitany azy io izao ny olom-pirenena eny fa miaina anatin’ny fahasahiranana aza ny 90%-n’ny Malagasy.

Ho an’ireo tanora mpianatra avy amin'ny Faritanin’i Fianarantsoa sy Toliara, mandranto fianarana ao an-drenivohitry ny Faritra Matsiatra Ambony izao dia hita ho sanganehana manoloana ny hamaroan’ireo kandida filoham-pirenena nivoaka amin’ireo Faritany roa ireo, neken’ny Fitsarana avo momba ny lalàmpanorenana hifaninana amin’ny 7 novambra 2018 izao. Anisan’ireny i Fanirisoa Ernaivo, Ravelonarivo Jean, Razafindraosolo Zafimahaleo na Dama, Randriamampionona Joseph Martin na Dadafara, Jules Etienne Rolland … Nikasa hihaona tamin’ireo kandida zanaky ny Faritanin’i Fianarantsoa sy Toliara izy ireo ny sabotsy 1 septambra teo. Tonga ny kandida Randriamampionona Joseph Martin raha toa ka nandefa solontena ny sasany. Nanao antso avo mba hifandaminan'ny kandida filoham-pirenena avy any atsimo ka hivondrona. Tanora maro ihany koa no nanatrika sy nanohana izany fihaonana izany.

Jean D.