Politique

Tan�nan�Antananarivo Mizara kaominina 6 manombok�izao

Politique
Alakamisy 22 Janoary 2015

Lanin�ireo depiote naharitra hatramin�ny faran�ny fivoriana omaly teny Tsimbazaza ankoatra ireo 11 nivoaka ny efitrano ny volavolan-dal�na mikasika ny vondrom-bahoaka hitsinjaram-pahefana ka

mametra ho tokana ihany ny ben’ny tanànan’Antananarivo Renivohitra saingy ho ben’ny tanàna kely ihany koa no hiantsoana an’ireo delegem-panjakana niandraikitra ireo boriborintany 6 hatrizay. Hampiavaka azy ireo amin’ity, hoy ny fanazavana azo omaly teny Tsimbazaza, dia izy ireo hofidian’ny vahoaka mivantana fa tsy hotendrena toy ny teo aloha intsony ary hanana mpanolotsainan’ny tanànany avy. Ho toy ny an’ny kaominina mahaleotena mihitsy ny fomba fiasan’izy ireo, fa misy ihany andraikitra tsy hosahaniny mivantana toy ny fangalana fako sy fanaovan-dalana. Hanana ny tetibola hampiasainy azy manokana kosa ao amin’ity kaominina keliny ity ka raha 70 % ny an’ny ben’ny tanàna lehibe dia 30 %-n’ny volan’Antananarivo Renivohitra ny azy ireo.