Politique

Tabera Randriamanantsoa Manangam-pahavalo

Politique
Sabotsy 01 Septambra 2018

Tsy marina ny filazana fa “régionaliste” aho, hoy ny filohan’ny antoko politika Kintana, Tabera Randriamanatsoa, raha nitokana ny foiben’ny fampielezan-keviny tetsy Tsaralalàna omaly.

Izaho aza no tena kandida hitarika ny “Nationaliste” na Tia Tanindrazana. Kandidan’ny firaisam-pirenena fa tsy fampisaraham-bazana ny tenako ary izay miaraka amiko dia ny fianakaviambe iraisam-pirenena no fahavalony. Tsy matahotra ny ho faty amin’izany aho fa efa be no niainako tao anatin’izay 65 taona nisiako izay. Aoka izay ny fampiadian’ny fianakaviambe iraisam-pirenena antsika. Ekena fa voarohirohy amina trafika maro ny kandida sasany. Misy mpandraharaha Malagasy hafa ihany koa toy izany. Maninona no izao daholo vao henjehina kanefa ny Karana sy ny Sinoa tsy hita izay hanaovana azy ? Aminay, fanaovana Ni..Ni an-kolaka vaovao raha sanatria ka ao anatin’ny fampielezan-kevitra no hosamborina ireo kandida teo voalaza fa mpanao trafika ary tsy ekena, hoy izy.

J. Mirija