Politique

T-Shirt sy Polo propagandy 5000 Ar ka hatramin’ny10.000 Ar ny singany

Politique
Alatsinainy 20 Aogositra 2018

Iray volana mahery eo ho eo sisa no fotoana hahafahan’ireo kandida hilatsaka hofidiana amin’ny fifidianana Filoham-pirenena mikarakara ny ho enti-manana amin’izany.

Ankoatra ny kaskety sy ireo karazana taratasy sy gazety zaraina dia anisan’ny tena be mpanao indrindra ny tee-shirt hahafahana mampahafantatra kandida iray amin’ny mpifidy sy ny sary famantarana entiny. Raha araka ny fanadihadiana natao teny amin’ireo mpanjaitra tee-shirt sy mpanao serigrafia eto an-drenivohitra dia efa tena mandeha tokoa ny tsenan’izy ireo amin’izao. Miisa folo mantsy raha kely ny tee-shirt kaomandina fikambanana iray raha an’aliny kosa no betsaka indrindra. Manomboka amin’ny 5.000 Ar anefa no hanjairan’izy ireo tee-shirt iray amin’izany miankina amin’ny kalitaon’ny lamba sy ny lokony raha 8.000 Ar kosa ny polo. 1.500 Ar kosa ny mametaka ny soratra amina tee-shirt iray raha tsotsotra raha mahatratra hatrany amin’ny 2.000 Ar mahery ireo karazany nomerika izay soratra hatao amin’ny milina manokana mihitsy ka tsy mety maty. Efa maro amin’ireo mpanjaitra tee-shirt eto amintsika araka izany no nahazo kaomandy betsaka ka voatery nampitombo avo roa heny ireo olona hampiasainy. Manomboka amin’ny 1500 Ar moa ny karaman’ny olona iray manambatra izany tee-shirt izany raha 1500 Ar ihany koa ny mandidy miankina amin’ny kalitaon’ny lamba sy ny paozin’ilay tee-shirt.

Pati