Politique

Solombavambahoakan�i Madagasikara Kandida 37 hiady toerana 4 eny Tsimbazaza

Politique
Alarobia 06 Aogositra 2014

Hanomboka rahampitso alakamisy 7 aogositra ny fampielezan-kevitra fandresen-dahatra ireo mpifidy ho azy 37 mianadahy kandida solombavambahoakan�i Madagasikara mirotsaka ao Belo Tsiribihina, Marovoay, Sainte-Marie ary Ambanja. Haharitra 21 andro ny propagandy izay hifarana amin�ny alakamisy 28 aogositra maraina mialoha ny fifidianana ny zoma 29 aogositra 2014.

Ny distrikan’i Belo Tsiribihina no maro mpifaninana indrindra izay miisa 15. Manaraka azy ao i Marovoay izay ahitana kandida 9 arahin’i Sainte-Marie manana kandida 7. Miisa 6 kosa ireo mpifaninana ao amin’ny ditrikan’Ambanja. Efa eto an-toerana ireo bileta tokana natonta tao Afrika Atsimo, araka ny fanazavan’ny filohan’ny Vaomieram-pirenena mahaleotena misahana fifidianana mandritra ny tetezamita Attalah Béatrice. Hatolotry ny Fandaharanasan’ny Firenena mikambana momba ny fampandrosoana ny faran’ny herinandro kosa izy ireo. Am-periny amin’ny fiomanana ny fiatrehana ny fifanatrehana mivantana amin’ireo mpifidy azy ireo moa ireo kandida solombavambahoakan’i Madagasikara any amin’ireo toerana ireo, araka ny angom-baovao azo. Hidina ifotony hijery ny zava-misy amin’ireo toerana ireo moa ireo solontenan’ny Ceni-T manomboka ny 19 aogositra ho avy izao.