Politique

Soava Andriamarotafika Voaantso in-droa teny amin�ny zandary omaly

Politique
Talata 31 Martsa 2015

Voaantso teny amin�ny tobin�ny zandary eny Betongolo hatao fanadihadiana ny mpanao gazety Soava Andriamarotafika (VIVA) noho izy tao anaty fiara nitondra an�i Alain Ramaroson ny sabotsy lasa teo.

Fantatra fa “tara tamin’ny valandresaka nataon’ingahy Alain Ramaroson teny Antanimena ny tenany ka nangataka ny hanaovana izany indray tao anatin’ny fiara niaraka tamin’i Alain Ramaroson”. Vita ny fanazavan’izy ireo dia nasaina niandry ny tenany ary afaka fotoana maromaro tato aoriana dia nilaza taminy ny mpanao famotorana fa tsy misy ilana azy intsony fa mahazo mandeha izy. Ny nahagaga anefa dia voaantso an-telefaonina ho eny Betongolo indray ity mpanao gazety ity omaly antoandro. Rehefa nanontaniana izy taorian’ny fakana am-bavany azy dia nilaza fa karazana fanaovana ramatahora no nitranga. Teny an-toerana ihany koa ny filohan’ny holafitry ny mpanao gazety izay efa nanao fanambarana nanameloka ny fisakantsakanana ny mpanao gazety manao ny asany ary manameloka ny fanambanana basy ny mpanao gazety tamin’ny sabotsy.

Ntsoavina Evariste