Politique

Partagé sur :
• facebook

Raha tsy nahitana fanoherana teny amin’ny Fitsarana avo momba ny làlàm-panorenana ny fametrahana ben’ny tanàna tokana hitondra an’Antananarivo Renivohitra dia mifanohitra amin’ny làlàm-panorenana ny fizarana an’Antananarivo h o boribory tany enina.

Lany tamin’ny ampahany ny sata mifehy ny tanànan’Antananarivo teny amin’ny Fitsarana avo momba ny làlàm-panorenana. Omaly no nivoaka ny didy avy teny amin’ity andrim-panjakana iray ity  ka nahazo fankatoavana  noho izany ny andininy ao amin’ilay sata mamaritra ny maha iray ny ben’ny tanàna hitondra an’Antananarivo.  Ambaran’ny eny Ambohidahy kosa fa tsy mifanaraka amin’ny làlàm-panorenana ny  fizarana ho boribory tany enina ny renivohitr’i Madagasikara voalaza ao amin’ny andininy faha 4 amin’ny làlàna  laharana  2015- 11 tamin’ny  25 martsa 2015. Ankoatr’izay dia nahitana fanamarihana ihany koa ny andininy faha 6 sy 7 ary ny faha 19 amin’ity sata ity raha toa ka nahazo fankatoavana avokoa ny andininy hafa. Ao aorianan’izay dia inona ary no hiseho ? Mbola hiverina any amin’ny governemanta indray ve izany ity tolo-dalàna ity ?  Koa raha izany tsy miverina afa-baraka fanindroany indray tokoa ny governemanta sy ny Solombavambahoaka ? Sa nikitika ny tsy fikitika ve ny minisitry ny  Ati-tany ka lasa sahirana? Ny vola lany tamin’ny fivoriana tsy ara-potoana  indroa miantoana teny Tsimbazaza tsy lazaina intsony mahamenatra !

Andry Ratovo   

Tia Tanindrazana

Samia mijoro ho an'i Gasikara.