Politique

Rivo Rakotovao “Mila ampanjakaina ny lalàna !”

Politique
Alakamisy 04 Oktobra 2018

Ny fahefana nomena ahy dia natao hampanjakana ny lalàna, hoy ny filoham-panjakana, Rivo Rakotovao, raha nidinidinika tamin’ny solontenan’ireo mpanao gazety tonga teny amin’ny lapan’Ambohitsirohitra omaly.

Ny mikasika ny andraikitra tokony hisaloran’ireo mpanao gazety mba hisiana tontolom-pifidianana tony moa no votoatin’ny lahadiniky ny 2 tonta omaly. Nasian’ity filoha ity tsindrim-peo manokana ny mikasika ny fivoizana ny zava-niseho tany Morondava farany teo. Aoka mba tsy ho ny mpanao gazety no ho loharano hipoiran’ny fifandiram-poko eto amin’ity firenena ity. Tsy fanapahan-kevitra politika akory no noraisina raha nanakatona ilay radio tany an-toerana fa fanamafisana ny atao hoe tany tan-dalàna. Ny fahalalahana maneho hevitra akory tsy midika ho fanaovana izay tian-katao.

J. Mirija