Politique

Rivo Rakotovao « Aleo hifidy aloha isika ! »

Politique
Talata 23 Oktobra 2018

Naneho ny heviny mikasika ny fahitany ny adihevitra nifanaovan’ny vaomieram-pirenena mahaleotena misahana ny fifidianana na ny CENI sy ireo kandida ho filoham-pirenena niseho ny zoma teo omaly ny filoham-panjakana,

Rivo Rakotovao, nandritry ny fanotronany kaongresy iray momba ny fitsaboana tetsy amin’ny Panorama Andrainarivo. Efa nisy foana, hoy izy, ny resaka fa tokony hizotra any amin’ny fanarahan-dalàna isika. Tsy midika akory izany fa hanampin-tsofina amin’ny soso-kevitra sy ahiahy ny fanjakana. Iaraha-mahalala, hoy ny tenany, fa misy amin’ireny fangatahana ireny no tsy azo tontosaina anaty fotoana fohy. Lavitra ezaka ny hanova lalàmpanorenana ka aleo hifidy aloha ny vahoaka fa tsy izany no ialantsika amin’ny fanarahan-dalàna, hoy hatrany ny filoha Rivo Rakotovao.

J. Mirija