Politique

� Refondation Totale de Madagascar � Efa mijoro isaky ny distrika

Politique
Zoma 12 Desambra 2014

Niofo ho antoko politika ny Refondation totale de Madagascar ( RTM). Ity antoko ity tany am-boalohany dia fikambanana ary tamin�ny fifidianana ho filoham-pirenena farany teo no tena nahafantarana azy.

Ny antony dia satria ny fikambanana RTM no nanolotra an-dRandriamampionona Joseph Martin na i Dadafara ho kandida ho filohan’ny Repoblika tamin’ny 2013. Rahampitso sabotsy 13 desambra no hotontosaina eny amin’ny Live Hotel Andavamamba ny fanolorana ofisialy ity antoko ity. Lanonana izay nanasana ireo manampahefana sivily sy miaramila eto Madagasikara. Antoko misokatra amin’ny rehetra mantsy ny RTM ka tsy nisalasala niantso ireo ankolafin-kery rehetra misy eto amintsika. Mbola fanolorana ihany ity hotontosaina ity fa mbola hanomana ny kongresim-paritra sy ny kongresy nasionaly ny antoko. Efa mijoro isaky ny distrika sy ny faritra moa ny RTM. Hanatrika ity lanonana fanambarana ny fitsanganany amin’ny fomba ofisialy ity ireo solontena isam-paritra.