Politique

Partagé sur :
• facebook

Tsy mitsahatra mitombo an’isa andro aman’alina ankehitriny ny fanehoan-kevitra entin’ny olom-pirenena samihafa manoloana ny trangan-javatra misy eo amin’ny firenena ankehitriny ka iray amin’ireny Atoa Ralainirina Marcel filoha nasiolalin’ny “Legaliste de Madagascar”.

Aminy ny vahaolana amin’izao savorovoro misy eto amintsika ankehitriny izao dia tsy misy afa-tsy ny fametram-pialan’ny filoham-pirenena am-perinasa, Hery Rajaonarimampianina na koa manaiky izy fa hatao “Président symbolique” fotsiny ka tsy hanana andraikitra afa-tsy ny fandraisana an’ireo diplaomaty  tonga eto amintsika. Ravana noho izany ny governemanta ankehitriny ka hatsangana ny governemanta iraisana hikarakara ny fifidianana ary hatsangana ny Antenimieram-panorenana (Assemblée Constituante) hamolavola ny lalàmpanorenena vaovao ka  ireo depiote voafidy efa eo no hampiana olom-boatendry hikarakara an’izany ka atao ny fifidianana lalàmpanorenena vaovao ary hotanterahina amin’ny volana mey 2019 ny fifidianana filoham-pirenena ho avy mba tsy hidiran’ny krizy lavareny hafa indray. Tokony hanao “Normalisation démocratique” Malagasy, araka ny fijerinay Légaliste azy, hoy ity filohany ity, izany hoe amin’ny alalan’ny fifidianana no hangalana fahefana mba hialana amin’ny kolontsaina fanonganam-panjakana lava izao. Ambarako etoana, hoy izy, fa izahay Légaliste dia tsy miaro mpanao kolikoly sy mpivarotra tanindrazana fa manaiky ny fifampiresahana mba hivahan’ny krizy haingana.

Ntsoavina Evariste

Tia Tanindrazana

Samia mijoro ho an'i Gasikara.