Politique

Propagandy fihodinana faharoa Ho mafy kokoa ny fitandroana ny filaminana

Politique
Zoma 07 Desambra 2018

Samy miezaka maka ny fepetra sy andraikitra mifanandrify aminy ireo tompon’andraikitra ambony eto amin`ny tany sy ny firenena amin`izao fampielezan-kevitra izao.

Ady lalao miverina mantsy ity fihodinana faharoa ity, hoy ny mpanara-baovao. Ahiana ho mafimafy kokoa ny fifandonana eo amin`ny roa tonta raha oharina tamin`ny fihodinana voalohany, hoy ny prefe ny Jeneraly Ravelonarivo Angelo. Mipetraka avokoa ny fepetra ho amin`ny fitandroana ny filaminana toy ny fampielezan-kevitra fihodinana faharoa ary hohamafisina kokoa na dia roa monja aza no hifaninana amin`ny fifidianana filoham-pirenena. Tranga mateti-piseho ny fandrangitana sy fihantsiana eo amin`ny mpomba ny kandidà ary eo no tena henjana ny mifehy ny filaminana, hoy ny prefektiora. Mahakasika ireo hetsika famoriam-bahoaka na ao anaty trano na an-kalamanjàna dia tsy miova ny fepetra fa 48 ora mialoha ny hanaovana ny fihetsiketsehana no hanaterana ny fangatahana ary tsy maintsy maka fahazoan-dalana eo amin`ny prefektioran`ny polisy ireo kandidà, hoy hatrany ny fanazavana.

Marigny A.