Politique

Praiminisitra Ravelonarivo Jean �Ara-dal�na ny fanendrena azy�, hoy ny HVM

Politique
Alarobia 21 Janoary 2015

Taorian'ny fanehoan-kevitra tetsy sy teroa mikasika ny fanendrena ny praiminisitra vaovao Ravelonarivo Jean dia nivoaka tamin'ny fahanginana ihany koa ny antoko Hery Vaovaon'i Madagasikara tarihin'ny filohany Rivo Rakotovao

. Nambarany tamin'ny mpanao gazety omaly fa ara-dalàna ny fanendren'ny filoha Hery Rajaonarimampianina ny praiminisitra vaovao ary tena manaraka ny artikla laharana 54 ao antin'ny lalampanorenana tokoa. Solombavambahoaka miisa 120 avy amin'ireo antoko maro samihafa mantsy hoy ihany ny filohan'ny HVM no nanolotra io anaran'ny praiminisitra io izay iray tamin'ireo 15 isa natolotra. Notsindrian'izy ireo moa fa manaraka ny fanapahan-kevim-pitondrana ihany koa izany ka tsy misy mampanahy. Nohararaotin'izy ireo io fotoana omaly io nanolorany fanampiana ho an'ireo olona tsy manan-ko hanina any amin'ny faritra Atsimon'ny Nosy noho ny hain-tany izay narahin'ny fanentanana ho an'ny malala-tanana rehetra.