Politique

Praiminisitra Ntsay Christian Miantso ny vahoaka hiandry voka-pifidianana am-pitoniana

Politique
Alarobia 02 Janoary 2019

Amin’izao andro farany amin’ny taona 2018 izao dia naneho fisaorana feno ho an’ny vahoaka Malagasy rehetra ny praiminisitra sady lehiben’ny governemanta,

Ntsay Christian noho ny fiaraha-mientana tamin’ny fametrahana ny fitoniana sy ny fandriampahalemana tamin’ny ankapobeny, ary ny fitandroana ny filaminam-bahoaka, nandritra ny fizotry ny fifidianana manontolo izay niantomboka tamin’ny volana jona lasa teo. Vita tanteraka ireo fihodinana voalohany sy faharoa tamin’ny fifidianana filoham-pirenena, hoy ny fanambarana koa mampirisika ny vahoaka mba hitazona ny fomba fijery sy toe-tsaina nentina niatrehana ny fifidianana, eo am-piandrasana ny vokatra ofisialy, indrindra mba hanaja ny safidin’ny vahoaka maro an’isa. Ny vahoaka Malagasy no ho mpandresy amin’ny fahatanterahana ny zotram-pifidianana, izay nahafahany naneho ny safidiny, satria tonga ny fotoana hananan’i Madagasikara fanantenana amin’ny tanjom-piovana ho amin’ny fampandrosoana, hoy hatrany ny praiministra Ntsay Christian ka mirary taona zina 2019 ho an`ny vahoaka Malagasy.

Marigny A.