Politique

Pierrot Rajaonarivelo Samy ilaina ny fifidianana sy ny fanorenana

Politique
Zoma 17 Aogositra 2018

Lasa mizara roa ny hevitry ny mpanao politika eto amin’ny firenena amin’izao fotoana izao,

hoy ny antoko MDM (Mouvement pour la Democratie a Madagascar), tarihin’i Pierrot Rajaonarivelo. Amin’izy ireo, dia mifameno tanteraka ny firosoana amin’ny fifidianana sy ny fanorenana ifotony fa tsy mifanipaka, ka samy mila fanatanterahana. Tokony hirosoana ny fifidianana amin’ny 7 novambra, saingy tsy azo ihodivirana ny fanorenana ifotony. Mila milaza ampahibemaso fa hanatanteraka fanorenana ifotony izay kandida lany ho filoha, ary izy no mitarika sy manao antso avo amin’ny fifanomezan-tanana amin’ny fanatanterahana ny fanorenana ifotony, hoy hatrany ity loholona notendren’ny filoha ity. Tsy mbola manana kandida hatolotra amin’ny fifidianana kosa izy ireo, raha ny nambaran’i Pierrot Rajaonarivelo hatrany.

Toky R