Politique

Mpampianatra Fram Lisitra vonjimaika daholo ireo efa nivoaka

Politique
Alakamisy 08 Oktobra 2015

Mandeha dia mandeha ny fanakianana ankehitriny fa hitoerana kolikoly mahatsiravina ny manodidina an�ilay fampidirana ho mpiasam-panjakana an�ireo mpampianatra Fram manerana ny nosy.

Tsy tokony mbola hifaly na halahelo ireo mpampianatra Fram voasoratra na tsia amin’ny lisitr’ireo horaisina ho mpiasam-panjaka atsy ho atsy, hoy ny Talen’ny minisiteran’ny fanabeazam-pirenena Andriamampandry Todisoa nitafa fohy tamina mpanao gazety omaly, satria mbola vao lisitra vonjimaika avokoa ireny nivoaka ireny ka mety mbola hisy eo amin’ny 50 hatramin’ny 70 % any ho any mbola ho tratran’ny sivana amin’izy ireo. Miandry ireo fitarainana ataon’ireo mpampianatra Fram samihafa izay ao amin’ny minisitera hatramin’izao ary nohalavaina hatramin’ny faha-15 oktobra ho avy ny fandraisana izany. Hisy ny fandinihan’ny « Comité adhock » handraisan’ny minisitera anjara miaraka amin’ny solontenan’ny ray amandreny, ny solontenan’ireo mpampianatra Fram, ny avy amin’ny Cisco isanisany, ny Dren … handinika ny antontan-taratasy fitarainana voaray ka hanala ny anaran’ireo tsy mpampianatra Fram akory izay tafiditra ao anatin’ilay lisitra vaovao ary hampiditra ireo anarana tena izy.