Politique

Morarano Antongona Ny zanak’i Dada irery no nahavita propagandy tany

Politique
Zoma 02 Novambra 2018

Toerana maro be amin’ireo faritra 22 manerana ny nosy izay tsy noeritreretin’ireo kandida hafa akory hotsidihana no tongan’ireo mpanao fampielezan-kevitry ny kandida laharana faha-25 Marc Ravalomanana.

Anisan’ny tafiditra ao anatin’izany ny tao Morarano Antongona no distrikan’ Imamo , izay manakaiky an’ Imerintsiatosika ; teo ihany koa ny tany Mahazoarivo , mbola amin’iny faritra ny ihany . Nanamafy ny mponina tany an-toerana fa tsy nisy mpanohana ny kandida hafa tonga nitsidika sy nanao fampielezan-kevitra tany fa dia ny Zanak’i Dada laharana faha 25 ihany no nahavita nitsidika, nitafa sy nifanakalo hevitra tamin’izy ireo.Marihana fa hetsiky ny olon-tsotra mpankafy sy manohana an’i Marc Ravalomanana ireto manao fampielezan-kevitra mitety fokontany ireto ary tena mampiasa ny fitaovana ananan’izy ireo sy mamoaka ny vola am-paosin’izy ireo madiodio. Resy lahatra ny mponina tany an-toerana fa i Marc Ravalomanana tokoa no kandida mahavita azy sy tena mihaino ary mahalala ny filan’ny vahoaka.

Nangonin’i RTT