Politique

Miandry ny fijoroan’ny governemanta ny mpisehatra politika, ny firahamonim-pirenena…

Politique
Alatsinainy 14 Janoary 2019

Minisiteran’ny fampihavanam-pirenena Miandry ny fananganana azy ny CRN

Mbola baraingo ny mety ho firafitry ny governemanta saingy samy manana ny andrasany. Ho an’ny CRN (Comité de la reconciliation nationale) tarihan’i Tabera Randriamanantsoa, anisan’ny tolo-kevitra narosony ny fametrahana ny minisoteran’ny fampihavanam-pirenena. Resaka nipetraka efa tany Maputo, tany Addis Abbeba, tany Pretoria ny fangatahan’ny CRN hampisy governemantan’ny fampihavanam-pirenena. Hatao hisahana ny tena fampihavanam-pirenena io minisitera io, hoy ny CRN. Notsipihany koa fa raha toa ka tsy hatao minisitera iray manokana ny fitantanana ny fampihavanam-pirenena dia hatao ao ambany fifefehezan’ny minisiteran’ny atitany. Tsy maintsy manao izany ny filoham-pirenena vaovao satria efa tapaka tany Maputo sy Addis Abeba. Nomarihany fa 26%-n’ny Malagasy no nifidy an’i Andry Rajoeilina kanefa dingana tsy azo ihodivirana hahafahana manana fahamarinan-toerana ara-politka sy antoka hisian’ny fiaingana vaovao ho an’ny fampandrosoana ny fanatanterahana ny tena fampihavanam-pirenena eto amin’ny firenena, hoy hatrany ny fanazavana. Ankoatra izay, mitaky ny fampihenana ny isan’ny minisitera ho latsaky ny telopolo ny CRN.

Marigny A.